Siglir tar il cuntegn

Header

cuntegn

Onn da gestiun 2021/22 Arena Alva cun svieuta da record

La svieuta è creschida per l’emprima giada sur 100 milliuns francs. Ella munta a 129,6 milliuns francs. Sco il rapport annual per l'onn da gestiun 2021/22 mussa è era il gudogn brut stà – cun 45,101 milliuns francs – il meglier en l’istorgia da l’Arena Alva. Il retgav net munta a 21,686 milliuns francs.

Sco Markus Wolf, il CEO da la gruppa, vegn cità en il rapport stoppian ins bain resguardar l'effect unic da la pandemia sin il resultat da record. Malgrà quai dastgian els guardar a moda fitg optimistica en il futur e cuntinuar cun lur politica d'investir decisiva per il success.

942 letgs chauds en indesch chasas

A Murschetg investescha l’interpresa vinavant en il sectur da las immobiglias. 88 abitaziuns èn vendidas da las 96 abitaziuns ch’ins ha bajegià cun las trais chasas novas. La surbajegiada rocksresort porscha totalmain 942 letgs chauds en indesch chasas, ella ha contribuì ina buna part dal retgav. Actualmain è la nova Freestyle Academy en construcziun, sin quella halla gronda vegn la 12avla chasa.

Ultra da quai investescha la gruppa er en novs implants ed infrastructura sin il culm. Il zercladur ha cumenzà la construcziun da la pendiculara FlemXpress che va encunter l'Arena tectonica Sardona. Vinavant vegn il provediment d'aua sin il Crap Sogn Gion renovada, tranter auter per optimar la capacitad d'ennavar.

audio
Per tadlar curt e cumpact
ord RTR Audio dals 05.09.2022.
laschar ir. Durada: 1 minuta 14 Secundas.

RTR novitads 22:00

Artitgels legids il pli savens