Siglir tar il cuntegn

Header

cuntegn

Openair d'auto 77 Bombay Street enavos sin tribuna

Suenter plirs mais da pausa da corona ha 77 Bombay Street puspè savì far in concert – forsa nunusità. A l'Openair a l’Obere Au a Cuira han els numnadamain sunà davant autos.

Sunar davant autos senza propi vesair ils aspectaturs è stà per la band da 77 Bombay Street in’experientscha nova. Il chantadur Matt Buchli declera ch’i saja lur emprim concert suenter la crisa da corona. Il motiv principal per sunar qua, saja stà da finalmain puspè savair turnar sin la tribuna. L’idea saja stada interessanta e perquai hajan els acceptà l’invitaziun.

audio
77 Bombay Street puspè davant il public
ord Actualitad dals 22.06.2020.
laschar ir. Durada: 5 minutas 32 Secundas.

Ina giada tut insatge auter

Era ils aspectaturs èn stads fascinads. Cun tibas e las glischs da l’auto han els creà in’atmosfera bunamain sco tar in openair normal. Ina dunna da la Turgovia ha manegià: «Igl è insatge tut auter e betg da cumparegliar cun openairs normals e tuttina èsi in’experientscha unica.» In’autra famiglia da quatter persunas ha ditg ch’i saja fitg spezial, dentant manchia in zichel la pussaivladad d’interagir cun ils auters aspectaturs u la band.

RTR actualitad 08:00

Artitgels legids il pli savens