En il Grischun han tuttas regiuns – auter che Mesolcina-Calanca – in ospital. Dasperas èn part dal provediment da sanadad diversas instituziuns, apotecas e praticas da medis e medias. Savens èn er dentists u praticas da fisioterapia associadas als ospitals u centers da sanadad. Er las chasas da tgira èn savens part da l'organisaziun tetgala.
Tuttina sa differenzieschan las regiuns per las 52 chasas da tgira en il chantun da las regiuns d'ospitals. Il porvediment da sanadad dal Grischun è organisà en 17 regiuns per las chasas da tgira e 12 regiuns ord vista d'ospitals. Qua ina survista da l'organisaziun actuala cun las instituziuns principalas:
Bregaglia
Il Centro sanitario Bregaglia furma cun pliras paticas ed autras purschidas il provediment da sanadad per la regiun. En detagl èn quai
- ina partiziun acuta en il Centro sanitario Bregaglia,
- duas praticas da medis e medias a Promontogno e Malögia,
- ina chasa da tgira,
- ina Spitex regiunala
- ed in servetsch da salvament.
Engiadina Bassa
Tar la fundaziun Center da sandà Engiadina Bassa è organisà sut in tetg il provediment da sanadad per la regiun. Quai cun
- l'ospital regiunal a Scuol,
- la Clinica Curativa,
- pliras chasas da tgira,
- ina Spitex regiunala.
Engiadin'Ota
Cun la Fundaziun Provediment da sanadad Engiadin'Ota datti in'instanza che organisescha e coordinescha il provediment en la regiun. Tar quella tutgan
- l'ospital Engiadin'Ota a Samedan,
- la chasa da tgira Promulins,
- ina Spitex regiunala
- ed in post da cussegliaziun per la vegliadetgna e sanadad.
Ultra da quai datti a San Murezzan la clinica privata Gut.
Grischun Central
Per las regiuns Mantogna (Heinzenberg) / Tumleastga / Valragn ed Alvra coordinescha la Fundaziun Sanadad Grischun Central il provediment da sanadad. Latiers tutgan
- l'ospital Tusaun
- la Spitex Vialama,
- il center da diagnostica da prestaziun e sport Zels (en l'ospital a Tusaun),
- la pratica da medis e medias Spada,
- la pratica da pediatria Feldstrasse
- ed il servetsch da salvament Grischun Central.
Mesolcina-Calanca
- servetsch da salvament
- Spitex
- medis e medias
- chasas da tgira
La regiun Mesolcina-Calanca vegn per gronda part provedida tras l'ospital da Bellinzona. Igl è la suletta regiun che n'ha nagin agen ospital.
Partenz
Il provediment da sanadad en il Partenz vegn coordinà tras la Fundaziun Flury a Schiers. Il provediment vegn segirà tras
- l'ospital Schiers,
- center medicinal Claustra,
- chasas d'attempads a Schiers, Jenaz e Claustra,
- ina Spitex regiunala
- ed il servetsch da salvament
Puschlav
Il Centro Sanitario Valposchiavo sa cumpona da
- l'opsital a Poschiavo,
- in futur center da medis e medias,
- ina chasa d'attempads,
- il servetsch da salvament
- e la Spitex regiunala
Surselva
La Surselva sa chatta actualmain en il process da fundaziun per ina organisaziun tetgala dal provediment da sanadad. Las opiniuns davart la furma e la finanziziun sa partan actualmain uschia che betg tuttas vischnancas sustegnan la proposta actuala per la «Reit da sanadad Surselva».
Surses
En il Surses vegn il provediment da sanadad coordinà tras il Center da Sanadad Savognin. La purschida sa cumpona da:
- l'ospital Savognin
- pratica da medis e medias
- chasa d'attempads
Tavau
A l'ospital regiunal da Tavau èn associads ulteriurs meds per il provediment da sanadad.
- Ospital Tavau
- Servetsch da salvament
- Spitex
- Chasa da tgira Alberti
- Pratica Claustra
Ultra da quai datti a Tavau duas clinicas privatas: la clinica alpina e la clinica da rehabilitaziun.
Val dal Rain da Cuira
En la Val dal Rain da Cuira vegn il provediment da sanadad segirà tras suandantas instituziuns:
- Ospital chantunal en trais lieus da Cuira
- Diversas chasas da tgira
- Spitex per las regiuns Cuira, Landquart, Plaun ed Arosa-Schanfigg
- Servetschs da salvament
- Praticas da medis e medias
Ultra da quai datti er a Cuira ina pratica che tutga tar la gruppa Gut.
Val Müstair
A Sta. Maria sa chatta sut il tetg dal Center da sandà Val Müstair il provediment da sanadad. Quai cun
- l'ospital,
- ina pratica da medis e medias,
- ina chasa da tgira,
- la Spitex regiunala
- ed in servetsch da salvament.