L’Ospital chantunal a Cuira survegn in nov schef. Il cussegl d’adminstraziun ha elegì Hugo Keune sco nov CEO. Quai ha communitgà l’ospital chantunal. Keune succeda uschia ad Arnold Bachmann che va anticipadamain en pensiun.
Il nov schef surpiglia ses nov post a partir dal prim d’avust 2021. El ha tranter auter lavurà 14 onns en differentas funcziuns en l’ospital universitar da Turitg. Ultimamain sco directur da finanzas e manader substitut.