L'associaziun grischuna da medis e medias superiuras e d'assistenza ha il davos temp adina puspè stuì intervegnir tenor retschertgas dad SRF. Quai perquai ch'i vegnia adina puspè surpassà las limitas da temp da lavur per di e las limitas da surtemp ad onn.
En media lavurain nus 56 enfin 60 uras l'emna. Ed era la limita per il temp per sururas na vegn betg resguardà. Nus vegnin strusch da cumpensar nossas sururas.
En sasez dastgassan els ed ellas lavurar maximalmain 50 uras l'emna e betg dapli che 140 sururas l'onn dastgassan els far. Gist medis e medias d'assistenza lavuran in toc dapli che quai ch'els ed ellas dastgassan e vegnan cunquai ad il cunfin. L'associaziun da medis e medias d'assistenza e medis e medias superiuras ha intervegnì cun maisas radundas cun represchentantas e represchentants d'ospitals e chasas da tgira dal Grischun e cun far squitsch a l'uffizi da lavur dal chantun. Lez ha era gia controllà sche ils ospitals sa tegnan vi da las limitas da temp da lavur e da sururas. Malgrà tut questas sfidas èsi tuttina anc adina grev da sa tegnair vi da la lescha.