-
Bild 1 von 6. Café Merz: I marscha anc pulit la sonda avantmezdi. Bildquelle: RTR, Pietro Jacomet.
-
Bild 2 von 6. Café Patschifig: La manadra Sandra Christoffel (san.) ed ina collavuratura rian anc. Sche il café vegn l'autra emna dentant a pudair arver las portas è anc betg sclarì. Bildquelle: RTR, Pietro Jacomet.
-
Bild 3 von 6. Café Maron: Er giuador èn las maisas gia vegnidas tratgas dapart per realisar la distanza pretendida. Bildquelle: RTR, Pietro Jacomet.
-
Bild 4 von 6. Café Merz: Talas gruppas da glieud na vesan ins per in mument uss betg ple. Bildquelle: RTR, Pietro Jacomet.
-
Bild 5 von 6. Café Patschifig: Tut quels che entran en il café duain sa dischinfectar. Bildquelle: RTR, Pietro Jacomet.
-
Bild 6 von 6. Café Maron: Insaquantas maisas na vegnan betg pli survidas. Bildquelle: RTR, Pietro Jacomet.
Il Café Maron ed il Café Merz eran la sonda – il davos di ch'è anc betg stà pertutgà da las novas restricziuns – bain anc pulit emplenì. In café in zichel pli pitschen, il Café Patschifig, n'ha dentant gia lura gì quasi nagins giasts pli. Per ils cafés hai gì num, da sa preparar sin quai che spetga.
La regenza grischuna aveva numnadamain communitgà tar lur conferenza venderdi suentermezdi suandantas mesiras per la gastronomia:
«Hotels ed ustarias dastgan restar averts cun restricziuns: garantir standards d'igiena pli auts, almain 1 meter distanza tranter las maisas ed almain 4 meters quadrat spazi per giast. Ustarias che na servan betg ston serrar.»
Malsegirtad, dentant er speranza
La situaziun è per tut ils trais cafés ina fitg speziala. Il Café Patschifig n'ha per exempel anc betg pudì dir, quant ditg ch'els pudessan insumma tegnair avert il local. Il Café Maron aveva planisà da serrar l'auzada sura ed era il Café Merz duvrava midadas. Ins emprovia dentant da restar positiv e speria che quai temp da crisa passia svelt:
Ina malsegirtad è avant maun, nus restain dentant optimistics.
Dumengia saira ha la regenza grischuna lura schlià la malsegirtad cun decretar che l'entira gastronomia ha da serrar – en mintga cas ils locals, nua che clients sa radunan. Servetschs da furniziun èn vinavant pussaivels.