La Partida cristiandemocratica n'è betg cuntenta cun la situaziun actuala en la scola bilingua da Cuira. Els han perquai pretendì ch'il Cussegl da la citad duai examinar la situaziun e preschentar propostas co ins pudess meglierar la situaziun actuala. Cunzunt ina reintroducziun da 6 classas cun mintgamai duas annadas enstagl da be pli 5 classas avess stuì vegnir examinà.
Sustegn da tuttas varts per incumbensa da la PCD
Senza cuntravuschs ha il parlament decis ch'il rapport dal Cussegl da la citad saja manglus e cuntegnia betg las respostas spetgadas. Perquai sto il Cussegl da la citad uss elavurà ina missiva.