Il Forum Partenz/Tavau survegn in nov president. Jürg Kessler è vegnì elegì da la conferenza da las presidentas e dals presidents sco successur da Markus Feltscher, il president ch'era mort surprendentamain il mars. Kessler ch'è oriund dal Partenz è actualmain il rectur da la Scol'auta specialisada dal Grischun. El resta en uffizi fin la fin dal 2024, e surpiglia il post en il forum a partir da l'avust.
Sco president dal Forum è Kessler tranter auter cun-responsabel per la strategia e la realisaziun dal svilup regiunal da Partenz/Tavau. El lavura ensemen cun ils dus svilupaders da la regiun, Georg Fromm e Valérie Favre Accola.
Igl è grondius che nus avain pudì engaschar Jürg Kessler, ch'ha ina gronda savida, blera experientscha ed ina vasta rait da contacts, per quest post.
Il Forum Partenz/Tavau è vegnì fundà da la conferenza da presidentas e presidents da la regiun Partenz/Tavau per sustegnair il svilup regiunal. Persunalitads or da l'economia, societad e politica duain sa fatschentar duas fin trais giadas per onn cun las sfidas actualas dal svilup regiunal.