Sur Pany en il Partenz è in automobilist da 18 onns charrà la dumengia notg las 3:00 l'emprim en la saiv directiva e silsuenter da tschella vart en il mir. L'auto demolì totalmain è vegnì transportà davent.
Pliras uras pli tard hajan confamigliaras e confamigliars manà l'um blessà en l'ospital a Schiers, communitgescha la Polizia chantunala. Per dapli tractament saja el vegnì transportà en l'Ospital chantunal a Cuira. La polizia è vegnida infurmada la dumengia cunter saira da l'accident.