Siglir tar il cuntegn

Header

Johannes Meyer
Legenda: Johannes Meyer RTR
cuntegn

Partida verd-liberala Johannes Meyer candidescha per la regenza da Cuira

La Partida verd-liberala candidescha cun Johannes Meyer per las elecziuns dal cussegl da citad ils 9 da zercladur. L'um da 46 onns è creschì si a Cuira e lavura sco cussegliader independent en il sectur da protecziun da datas e tecnica medicinala. Plinavant haja el experientschas da dar scolaziuns ed è dapi curt commember da la cumissiun da furmaziun dal cussegl communal.

audio
Johannes Meyer candidescha per la regenza da Cuira
ord Actualitad dals 19.01.2024. Maletg: RTR
laschar ir. Durada: 3 minutas 9 Secundas.
Per chattar novas soluziuns na duessan nus betg patratgar en in schema dretg-sanester. Perquai candidesch'jau per il cussegl da citad.
Autur: Johannes Meyer Candidat per il cussegl da citad

Sco cusseglier da citad veglia Meyer s'engaschar per ina citad pli ecologica, creativa e digitalmain fitta – quai cun schliaziuns liberalas. Plinavant sajan er impurtant ad el dapli libertad per persunas giuvnas, il patratgar economic, la digitalisaziun e dapli natira en la citad sezza. «Per realisar tut quai, na stoppia la citad betg far tut sez u pajar sez» è el persvadì. I dovria per quai partenadis tranter citad ed economia.

Cussegl da citad

Avrir la box Serrar la box

Il cussegl da la citad è la regenza da Cuira. El consista dal president da la citad (sco parsura) e da dus commembers en uffizi cumplain. Ils cussegliers da la citad vegnan elegids mintga quatter onns en la procedura da maiorz. Per la perioda d’uffizi 2021 – 2024 fa part il president da la citad da la PLD sco era mintgamai in commember da la PS e da la PCD; lur temp d’uffizi è limità a 12 onns.

Il cussegl da la citad maina l’administraziun municipala sco autoritad collegiala. Mintgamai in commember ha in dals trais departaments da l'administraziun da la citad.

RTR novitads 11:00

Artitgels legids il pli savens