Pass dal Flüela - Auto cupitgà – duas persunas blessadas

Sin la via dal Pass dal Flüela en direcziun da Tavau hai dà la dumengia da mezdi in accident da traffic. Duas persunas sajan blessadas, ha communitgà la Polizia chantunala. In manischunz da 77 onns cun pneus da stad vi da l'auto è glischnà sur la via ora e silsuenter cupitgà d'ina scarpa giuadora. L'auto è rullà pliras giadas sur il tetg e sa tschentà sin las rodas. Il manischunz e sia cunautista da 50 onns èn vegnids transportads cun la Rega en l'ospital. Per las lavurs da salvament e rumida è la via dal pass stada serrada passa in'ura.