Sin la via dal Pass dal Güglia hai dà la dumengia suentermezdi ina collisiun da chadaina da total sis autos. Trais persunas èn sa blessadas levamain ed han stuì vegnir transportadas en l'ospital a Samedan. Il donn material saja considerabel, ha communitgà la polizia chantunala.
Sin la vart dal sid dal Pass dal Güglia era il suentermezdi en acziun ina maschina da rumir la naiv, perquai che ferms vents avevan transportà naiv sin via. Curt avant l'ospizi dal Güglia ha in automobilist stuì franar, perquai ch’el veseva memia pauc pervi da la cufla chaschunada da la maschina da rumir naiv. Ils autos davostiers n'han betg pli pudì franar.