La via dal pass dal Spleia vegn renovada per prest 19 milliuns francs. La regenza grischuna ha dà glisch verda al project d'exposiziun. Quel prevesa tranter auter da schlargiar la via sin 5,2 meters sin in tschancun da 2,6 kilometers.
Il traject da 2,6 kilometers na correspundia betg pli als basegns actuals ed las pretensiuns da segirezza. Uschia sto dasper il schlargiament er vegnì construì mirs e punts. La via saja en il inventari da las vias da communicaziun istoricas da la Svizra. Las emprimas quatter stortas da la via sajan gia vegnidas sanadas.