Siglir tar il cuntegn

Header

Navigaziun

Legenda: Guardar il video Petiziun cunter celibat. Durada 02:18 minutas.
Or da Telesguard dals 13.03.2019.
cuntegn

Grischun Passa 5'200 persunas vulan laschar maridar ils prers

La petiziun cunter il celibat lantschada da Florentina Camartin da Breil è stà in experiment. L'experiment va a fin cun passa 5'200 suttascripziuns.

Inizianta è cuntenta. La finamira eran 6'000, ramassà ha Florentina Camartin passa 5'200 suttascripziuns.

Igl è sta in experiment. Jau na saveva betg co quai giaja ora. Jau hai plaschair e respect che quella glieud ha prendì la peda da sa registrar per la chaussa.
Autur: Florentina CamartinInizianta

Florentina Camartin e las passa 5'200 persunas vulan che mintga plevon possia decider sez, sch'el vul maridar u betg. La petiziun è drizzada direct a papa Francestg.

Florentina Camartin

Personen-Box aufklappenPersonen-Box zuklappen

Personen-Box zuklappen

L'inizianta da la petiziun è Florentina Camartin (75) da Breil. Ella è stada 39 onns mungia en la claustra dad Ingenbohl/SZ. Dapi il 2009 è ella commembra dal terz urden da sontg Francestg, in urden da laics.

Proxims pass

Questa saira, ils 13 da mars 2019, è l'experiment a fin. Lura vul Florentina Camartin inoltrar la petiziun ch'è vegnida translatada en sis linguas al papa. Cura che quai succedia exact, n'è anc betg cler. La via a Roma saja magari lunga, manegia Florentina Camartin.

RR actualitad 17:00