Siglir tar il cuntegn

Grischun Passa 600 giuvenils entschaivan la recruta en il Grischun

Il glindesdi èn 617 recruts entrads en il servetsch. Els entschaivan la recruta a Panaduz e Cuira. La recruta da l'infantaria 12 vegn partida en quatter cumpagnias.

Colonna da recruts cun valischas.
Legenda: 617 recruts entran en servetsch en il Grischun (maletg d'archiv). Keystone

Duas cumpagnias han dimora en la caserna a Cuira. Ina survegn suttetg en il chantunament da la citad da Cuira. E la quarta cumpagnia d'infantaria vegn staziunada a Panaduz. La 13avla emna da la recruta vegnan las cumpagnias per part repartidas da nov e staziunadas en novs lieus en la regiun da Cuira ed a la fortezza da S. Gliezi.

161 instructurs

Sut il commando dal colonel en il stab general Marco Anrig scoleschan 161 persunas da cader da milissa cun sustegn da 39 persunas da cader professiunal ils recruts durant 18 emnas en las funcziuns sco infantarist, chanunier, exploratur e schuldà da protecziun.

120 dunnas

En l'entira Svizra han 10'200 persunas entschet la recruta. Da quai èn 120 dunnas. Uschia l'armada Svizra sin dumonda dad RTR. En il Grischun na datti dentant naginas dunnas che fan la recruta. La recruta finescha ils 18 da matg 2018.

Legende: Video Tips per las proximas emnas abspielen. Laufzeit 01:18 Minuten.
Or da RTR dals 15.01.2018.

RR novitads 06:00