Siglir tar il cuntegn

Header

video
La petta da Bavania
Or da Giuventetgna dals 06.01.2023.
laschar ir. Durada: 2 minutas 24 Secundas.
cuntegn

Pastizaria Bühler 400 fin 500 turtas da Bavania

En tut la Svizra vegnan fatgas 1,5 milliuns turtas per ils 6 da schaner. Ina part da questas producescha la pastizaria Bühler en la citad veglia da Cuira.

Il jauer Arthur Bühler è dapli 48 onns pastizier
Legenda: Il jauer Arthur Bühler è dapi 48 onns pastizier. RTR, Milena Bassin
Il retg sto esser cumplettamain en la pasta, uschia ch'el na guarda betg ora.
Autur: Arthur Bühler pastizier
audio
Far pettas da Bavania
ord Actualitad dals 06.01.2023. Maletg: RTR
laschar ir. Durada: 3 minutas 25 Secundas.

En la pastizaria Bühler tar l'Obertor en la citad veglia da Cuira vegnan durant trais dis producidas 400 fin 500 turtas da Bavania. Il pastizier Arthur Bühler di ch'en ils ultims onns saja la dumonda creschida. Il recept da la turta dals Trais Retgs datti schon dapi l'onn 500 avant Cristus, là n'han els dentant betg mess en in retg da plastic, però ina nusch. Il retg che mintgin avess ozendi gugent, emprovan ils pastiziers da zuppar uschè bain sco pussaivel.

Las ingredienzas per la turta da Bavania
Legenda: Las ingredienzas per la turta da Bavania èn farina, massa da mandels, paintg, zutger, sal, levon, citrona, latg, ovs ed ivettas. RTR, Seraina Derungs
Jau emprov mintga di ina turta da Bavania per guardar sche tut è en urden.
Autur: Arthur Bühler pastizier

Ina collavuratura, in collavuratur ed Arthur Bühler lavuran cun ina maschina che maschaida la pasta, ina maschina che fa purziuns e cun il furn. Il rest da la lavur fan els a maun. La fin finala vegn anc suravi pulvra da zutger e la curuna d’aur, suenter è la turta da Bavania pronta per vender.

Or da l'archiv:

video
Sternsinger (Ils treis sogns retgs)
Or da Svizra rumantscha dals 06.01.1985.
laschar ir. Durada: 19 minutas 9 Secundas.

RTR actualitad 07:00

Artitgels legids il pli savens