Sandra Lutz ha stuì laschar transplantar il gnirom avant sis onns. Perquai ha ella in sistem d'immunitad flaivel. Fin avant trais emnas ha ella però vivì pulit bain cun il nov gnirom. Lura ha il corp da Sandra cumenzà a sa defender cunter il nov organ. Per Sandra Lutz ina situaziun da sanadad difficila, pertge ina infecziun cun il coronavirus pudess esser fatala.
Suletta – da la damaun fin la saira
Per evitar in'infecziun ha Sandra Lutz stuì metter sin il chau sia vita. Ses ami è schizunt ì tar sia mamma a star. Uschia è Sandra Lutz tut suletta en ses dachasa datiers da Berna, quai per evitar mintga ristga da s'infectar cun il coronavirus.
Pervia da la situaziun da sanadad sto ella dentant ir quasi mintga di tar il medi. Quai viadi è collià cun la tema da s'infectar, malgrà tut las stentas da sa proteger. Sandra Lutz ha prendì il telefonin enta maun ed ha documentà per nus in di en sia vita: