Actualmain existan differents sistems tar la salarisaziun da scolas spezialisadas u autras instituziuns spezialisadas. Collavuraturas e collavuraturs cun la medema scolaziun e funcziun vegnan salarisads en moda differenta, tut tenor il sectur dals fatgs socials, per exempel gudogna in pedagog social dapli sch’el lavura en ina chasa da tgira ch’en in’instituziun cun ina scola da pedagogia curativa. Plinavant han las instituziuns da la scola speziala/pedagogia curativa uschia in dischavantatg, cura ch'i va per recrutar persunal spezialisà.
Gist en instituziuns cun purschidas tant per uffants e giuvenils sco er en il sectur da las persunas creschidas resulta in'inegualitad er aifer in'instituziun. La regenza è uss incumbensada d’examinar quella differenza da paja e tut tenor prender mesiras per liquidar ella.
