Pendicularas Cuira cun novs abos e grondas sfidas

Per il mument è la situaziun finanziala buna. Ma en bun 2 onns scada ina contribuziun annuala da la citad da Cuira ed igl onn 2026 la concessiun per la gondla Känzeli - Brambrüesch. Per finanziar questa dovri igl agid da la citad ed uschia la bainvulientscha dal pievel.

Laschar ir video «Quo vadis Brambrüesch?»

Quo vadis Brambrüesch?

2:28 min, Telesguard dals 20.9.2017

Enfin igl onn 2026 vala la concessiun per la pendiculara da la staziun Känzeli a Brambrüesch. Radund 50 onns veglia è ella. Ed il meglier fiss da remplazzar ella bainbaud, pertge il mantegniment d'ina uschè veglia pendiculara custa blers daners. Ma sa chapescha ch'era ina nova pendiculara custa fitg bler: il cussegl d'administraziun schazegia investiziun da tranter 12 e 15 milliuns francs. Ina summa, che las pendicularas da Cuira na san betg finanziar senza l'agid da la citad da Cuira.

«  Sch'il pievel di na lura è quai uschia, lura na datti betg pli las pendicularas da Brambrüesch e lura è quai d'acceptar. »

Tom Leibundgut
president cussegl d'administraziun

Nagin avegnir senza contribuziuns da la citad

Actualmain survegnan las pendicularas da Cuira da la citad duas grondas contribuziuns:

  • 350'000 francs contribuziun da manaschi
  • 500'000 francs contribuziun d'investiziun (pendiculara Cuira-Känzeli)
Pendiculara Känzeli-Brambrüesch Avrir maletg en lightbox.

Legenda da maletgs: La gondla tranter Känzeli e Brambrüesch è 50 onns veglia e sto vegnir remplazzada. RTR

La contribuziun d'in mez milliun francs scada igl onn 2020. Senza questa contribuziun n'èsi betg pussibel per las pendicularas da Cuira da remplazzar la veglia gondla da Känzeli a Brambrüesch. Perquai dovri ina nova contribuziun da la citad. Uschia vegn il suveran da Cuira a decider tranter igl atun 2018 e la primavaira 2019 davart igl avegnir da las pendicularas sin il culm da chasa da la citad il Brambrüesch.

Sursiglir cuntegn supplementar

Acziun da pretschs

In abunament custa cun la ChurCard 249.- francs, per ina famiglia 399.- francs, n'emporta betg quants uffants. L'acziun vala mo, sche 1'111 abunaments vegnan vendids enfin ils 30-11-2017. Quai muntass 4 giadas dapli abunaments che fin qua.

Cun pretschs bass a dapli svieuta

Enfin la votaziun vulan las pendicularas da Cuira anc megliurar il quint da manaschi. Per ina vegn quai giavischà da la citad da Cuira. Da l'autra vart quintan ils responsabels da las pendicularas da vair uschia pli grondas schanzas tar la votaziun a l'urna, sch'ins sto dumandar per contribuziuns main autas. Megliurar las cifras vulan els cun sbassar massiv ils pretschs per ils abunaments. Quai duai manar tar ina pli auta svieuta.


Laschar ir video «Brambrüesch: Iniziativa pretenda sustegn da la citad»

Brambrüesch: Iniziativa pretenda sustegn da la citad

1:34 min, dals 12.10.2001

Ord l'archiv:

RR actualitad 07:00