In donn finanzial dad ina milliarda francs ha il Grischun probablamain pudì impedir l'enviern passà grazia a l'avertura controllada dals territoris da skis. Quai han las Pendicularas grischunas communitgà.
Mitschads cun in egl blau
La svieuta tar il transport da persunas è sa reducida per 15% cumpareglià cun l'onn avant. La gastronomia en ils territoris da skis ha fatg en tut 50% damain svieuta. Tuttina sajan las singulas pendicularas mitschadas cun in egl blau, di il mainafatschenta da las pendicularas grischunas, Marcus Gschwend:
A mai n'èn nagins problems existenzials d’ina interpresa da pendicularas enconuschents fin oz.
Guardà enavos, è la stagiun d'enviern 2020/2021 dentant cleramain stada la mendra dapi 20 onns.