In bus ha mesemna la bun'ura bloccà la via dal pass dal Malögia per passa duas uras. Il bus ch'era en viadi en direcziun da la Bregaglia enturn la bun'ura las 05:00, saja restà fitgà cun la part davos en ina storta, quai scriva la Polizia chantunala en ina communicaziun.
In camiun spezialisà ha stuì deliberar il bus, durant quest temp è la via stada serrada per tut il traffic en omadus direcziuns. Suenter var duas uras er la via puspè averta. La Polizia chantunala ha denunzià il manischunz talian da 47 onns.
audio
Per tadlar: las novitads da las 09:00
ord RTR Audio dals 11.05.2023.
laschar ir. Durada: 3 minutas 18 Secundas.