Serrada da venderdi fin dumengia
Per motivs da segirezza stoppia la via da Calanca vegnir serrada per tut il traffic a partir da venderdi saira las 18:00 almain fin dumengia mezdi tranter il spartavias da Castaneda ed il spartavias da Buseno, ha communitgà il chantun il venderdi. Il motiv saja la plievgia permanenta, quai che pudess chaschunar bovas.
La via da Calanca tranter Castaneda e Buseno vegn survegliada periodicamain cun radar. Pervia da la plievgia exista ina ristga pli gronda, che parts dal grip instabilas pudessan sa distatgar e periclitar la via. Suenter in'examinaziun detagliada ha l'Uffizi da construcziun bassa dal Grischun concludì da serrar per motivs da segirezza preventivamain la via per tut il traffic, quai per proteger las participantas ed ils participants dal traffic.