Persvas da la forza idraulica

Las ovras electricas dal chantun da Turitg «EKZ» e «UBS Clean Energy Infrastructure» vulan sa participar vi da la Repower. Ils investurs èn persvas da far gudogn a lunga vista cun lur participaziun. Quai cunzunt pervi da la forza idraulica.

Repower Bild in Lightbox öffnen.

Legenda da maletgs: Ils dus investurs speran sin la forza idraulica. Keystone

Als dus investurs èsi cler che cun investir en la Repower n'èsi betg da far quint, ni oz ni damaun, cun in gudogn. Però la «EKZ» sco era la «UBS-CESI» èn persvadas da la forza implants idraulics da la Repower.

Per l’EKZ dettia dentant anc in auter motiv per l’interess vi da la Repower. Las duas firmas d’energia sa cumpletteschian. La Repower saja in grond producent d'energia, haja dentant relativ paucs clients (circa 85'000). Tar las ovras electricas dal chantun da Turitg saja gist il cuntrari: Lezzas hajan ina pitschna producziun, dentant blers clients (circa 300'000).

Ils dus acziunaris principals, il chantun Grischun e l'Axpo, s'engaschan tuttina vinavant per la Repower. Els desistan però da lur dretg da cumprar novas aczias. Percunter s’oblighescha l’«EKZ» da cumprar novas aczias per 90 milliuns francs e la «UBS-CEIS» per 60 milliuns francs.

RR actualitad 17:00