Siglir tar il cuntegn

Grischun Pertge èn ils ovs da Pasca colurads?

Prest è Pasca e las preparativas vegnan fatgas cun tutta forza. Quai vala sa chapescha era per duas giaglinas che stattan ensemen cun ina vatga, ina chaura, ina nursa, in’anda ed in portg sin in bain puril.

Cuverta dal cudesch La famiglia da lieurs.
Legenda: La famiglia da lieurs, Lia Rumantscha 2017: Rumantsch Grischun, surmiran e sutsilvan. Illustraziuns da Moira Prati. MAD

Ina da las duas giaglinas ha cumenzà cun la disa dad uvar mintga di a l’ur dal guaud sper la puraria. Gist là ha ina pitschna famiglia da lieurs ses dachasa. In bel di scuvran ils lieurets il gnieu plain ovs.

«La famiglia da lieurs ed ils ovs colurads» è ina bella istorgia da Pasca plain anim ed amur, scritta da Letizia Schmid da Riom barmiera ed illustrada cun finezza da Moira Prati da Viganello. Ils texts èn scrits en rumantsch grischun, surmiran e sutsilvan e vegnan cumplettads cun ina resumaziun tudestga a la fin dal carnet. L’ediziun da la Lia Ruman­tscha cuntegna ultra da l’istorgia fegls da lavur cun engiavineras, pitschens pensums e maletgs da dar colur.

RR actualitad 08:00