Iris Hoffmann-Stiffler fa dapi 10 onns politica a Tavau. L'emprim è ella stada en il parlament (2013-2020). Dapi il 2021 è ella stada en la regenza nua ch'ella aveva il departament da furmaziun e socialesser. Suenter dus onns e mez en l'executiva demissiunescha Hoffmann-Stiffler per immediat. La demissiun succedia pervi da differentas opiniuns tar l'administraziun d'in uffizi pervi da quellas ch'ella na possia betg cuntinuar sia lavur en il gremi. Ina basa degna da confidenza manchia. Vinavant accentuescha la vischnanca en la communicaziun a las medias che la demissiun na succedia ni per raschuns da sanadad ni per raschuns privatas.
L'elecziun substitutiva è ils 22 d'october. Enfin lura surpiglian ils auters commembers da la regenza ils pensums dal sez vacant.
