Siglir tar il cuntegn

Grischun Pista a Lai è pronta

La Federaziun internaziunala da skis FIS a dà glisch verda per las cursas da la cuppa mundiala dals 26 enfin ils 28 da schaner a Lai. Pervia da la naiv nova datti dentant blera lavur per ils organisaturs.

Cursa da la cuppa mundiala a Lai.
Legenda: La pista a Lai cun arrivada a Parpan è en in bun stan. (foto cursas 2016) MAD
  • La FIS ha dà glisch verda per las cursas da la cuppa mundiala dals 26 enfin ils 28 da schaner 2018.
  • Entras la naiv nova han ils organisaturs blera lavur da rumir la pista e la naiv engrevgescha era las lavur vid l'infrastructura.
  • 90 schuldads prestan en tut 1'500 dis da servetsch.

Naiv nova chaschuna lavur

Betg mo la FIS ed ils organisaturs èn cuntents cun la pista, mabain era ils skiunzs svizzers che han trenà quest'emna sin la pista «Silvano Beltrametti». Dentant per che la pista saja buna, è pervia da la blera naiv nova blera lavur supplementar necessaria. Sulet la mesemna hai dà 40 centimeters naiv nova. Enfin glindesdi quintan ins cun anc dapli naiv. D'avantatg è dentant, che la basa da la pista è uschè dira ch'ins po stuschar la naiv da la vart cun maschinas da pista.

Il program da cursa, cuppa mundiala da las dunnas

  • venderdi, 26 da schaner: supercumbinaziun (10.00 / 12.45)
  • sonda, 27 da schaner: slalom gigant (10.15 / 13.15)
  • dumengia, 28 da schaner: slalom (9.30 / 12.15)

RR novitads 18:00