La dunna vuleva ascender il Piz Badile via la ruta Cassin, ensemen cun in collega. Al pe dal piz è lura crudà giu crappa che ha tutgà la dunna franzosa. Suenter l’accident enturn las 9 la damaun haja il collega subit alarmà las forzas da salvament, ha communitgà la Polizia chantunala.
La Rega ha lura sgulà a val la dunna e ses collega. Silsuenter è la dunna vegnida sgulada cun ina greva blessura vi dal bratsch dretg en l’ospital Civico a Lugano.