Ils da Malans han ditg Gea a la revisiun parziala da la planisaziun locala. Ella è uss adattada al plan directiv chantunal, che vul far ina fin a la construcziun dischordinada. Ina revisiun cumpletta na saja betg necessaria, scriva la vischnanca avant la radunanza communala. Cun la revisiun haja la vischnanca dumagnà da tegnair en il termin dal chantun, d'adattar la planisaziun locala fin il 2023.
La revisiun è vegnida approvada da la vischnanca a la radunanza communala la gievgia. En il rom da la revisiun hai er dà ina revisiun totala da la lescha da construcziun.