Dapi che Elon Musk ha surpiglià Twitter, dà il num X ed instradà ina strategia main filtrada, cumbatta la plattafurma cun renfatschas da pled instigant e fake news e sco consequenza cun in donn da reputaziun. 13% dals users han bandunà la plattafurma sco che la firma da retschertga «Apptopia» rapporta ed era la svieuta cun reclamas suttastritga quest svilup.
En la societad ha gì lieu ina perdita da reputaziun per la plattafurma X.
Alternativas betg etablidas
Tuttina resta la plattafurma relevanta ed era la pli gronda plattafurma da «microblogging», pia da communicaziun en texts curts. In sguard en il Grischun mussa era che la gronda part dals accounts èn anc existents, schebain betg adina activs. Ils accounts da la Banca Chantunala Grischuna e da la Viafier retica n'han nagina enfin pauca activitad fertant ch’ils contos da la Scol’auta spezialisada dal grischun, dal chantun e da l’ospital chantunal èn pli activs.
-
Bild 1 von 3. La plattafurma Bluesky ha radund 3 milliuns users. Bildquelle: Keystone.
-
Bild 2 von 3. Passa 14 milliuns users dumbra Mastodon. Bildquelle: Keystone.
-
Bild 3 von 3. Threads è la pli gronda alternativa cun passa 100 milliuns users. Bildquelle: Keystone.
Nus duvrain Twitter/X gia adina mo sco multiplicatur da communicaziuns da medias.
Era ord vista schurnalistica resta ina tscherta relevanza. Tar la bova da Brinzauls per exempel saja X stada ina da las funtaunas principalas per novs svilups, declera Flavio Bundi, schefredactur RTR.
Enfin ch’i dat ina alternativa restian ins pia sin X, concluda Ulla Autenrieth. La plivalur d’ina midada n’è betg grond’avunda enfin ch’i na dat betg in consens per ina alternativa adattada.