Siglir tar il cuntegn

Header

cuntegn

Plattafurmas da trading Polizia avertescha da cugliunarias cun investir chapital

La Polizia chantunala avertescha da plattafurmas da trading che fan sin l'emprima egliada in'impressiun seriusa e persvadan uschia d'investir daners. Cussegliaders accumpognan questas investiziuns ed empermettan fatschentas lucrativas en aczias, opziuns u valur da cripto. La polizia survegnia adina puspè annunzias da glieud che saja vegnida cugliunada cun talas fatschentas d'investiziuns online, hai num en ina communicaziun. Persunas che sajan gia vegnidas donnegias ils ultims onns vegnian uss danovamain contactadas e surmanadas da far investiziuns.

Uschè spert che las han pajà ils daners, interrumpian ils cussegliaders il contact. En in cas è ina persuna vegnida donnegiada per prest 1 milliun francs. Quella haja pers tut ses daners dal provediment da vegliadetgna.

Sa proteger cunter cugliunarias

La polizia cusseglia da resguardar tschertas reglas avant ch'investir daners:

  • Investir daners be en fatschentas ch'ins chapescha
  • Discurrer cun expertas ed experts avant che pajar daners
  • Grondas renditas muntan per regla gronds ristgs
  • Il ristg da perder è savens pli grond che la schanza da gudagnar ina rendita

RTR novitads 10:00

Artitgels legids il pli savens

Scrollar a sanestra Scrollar a dretga