Siglir tar il cuntegn

Header

video
In bajetg gigantic: La Hamilton a Domat construescha in nov magasin
Or da sil punct dals 14.07.2022.
laschar ir. Durada: 2 minutas 4 Secundas.
cuntegn

Plazzal da la Hamilton a Domat Amez las lavurs da construcziun per il magasin

La Hamilton Panaduz SA è sin curs d’expansiun. Mo trais onns suenter ch’ella ha bajegià ses edifizi nov a Domat, construescha l’interpresa da tecnologia gia in segund edifizi sin il medem areal. Quai per augmentar il spazi da producziun e per dar dumogn a la gronda dumonda, cunzunt suenter tecnologia  medicinala.

Tgi che va actualmain sper l’areal da l’anteriura resgia a Domat vi vesa ch'i vegn construi mordio. Quai che vesa or sco in’armadira surdimensiunada è il nov magasin da la Hamilton SA. In magasin per 12’304 palettas che funcziuna automaticamain. In roboter prenda u porta las palettas en il lieu giavischà.

Disponibilitad da material

Surtut durant la pandemia aveva la Hamilton SA adina puspè fadia da survegnir il material necessari per construir lur products. Qua sa tracti oravant tut da material per lur apparats da respiraziun. Cun il magasin nov vul la Hamilton SA garantir ina tscherta disponibilitad da la tocca da fabricaziun. 

Engrondiment en etappas

Il magasin è part a la segunda etappa d’engrondiment a Domat. Sper quel vegn era construì in edifizi per biros, ufficinas ed in center per la logistica interna. Tenor calculaziun actuala muntan ils custs per questa segunda etappa sin var 65 milliuns francs – 50 milliuns per ils edifizis e 15 milliuns per l’infrastructura interna. La segunda etappa d’engrondiment duess esser a fin l’atun 2023. Il mument èn ils responsabels gia vi da la planisaziun d’in ulteriur engrondiment a Domat.

Segund edifizi munta tranter tranter 200 enfin 300 novas plazzas da lavur

Tenor Mario Cavigelli, il president da la regenza grischuna, saja il chantun fitg cuntents cun quest svilup:

audio
Mario Cavigelli: «Els porschan bleras plazzas da lavur»
ord RTR Audio dals 22.07.2021.
laschar ir. Durada: 11 Secundas.

Ensemen cun la vischnanca da Domant saja la regenza sa stentada ils ultims onns da promover Domat sco lieu da producziun e plaz da lavur. Il pass da la Hamilton mussia che quellas stentas hajan purtà fritg.

Il CEO Andreas Wieland è persvadì da la strategia d'expansiun da la Hamilton:

audio
Andreas Wieland da la Hamilton SA
ord RTR Audio dals 22.07.2021.
laschar ir. Durada: 12 Secundas.

Tar l'emprima badigliada il fanadur 2021 quintava la Hamilton SA anc cun custs totals da 42.5 milliuns francs.

RTR novitads 12:00;

Artitgels legids il pli savens