La fracziun da la Partida liberaldemocratica (PLD) dal Cussegl grond ha in nov president. Christof Kuoni, deputà da Maiavilla ed enfin uss vicepresident da la fracziun, è vegnì elegì en questa funcziun. El è dapi il 2014 en il parlament grischun ed è commember da la cumissiun da furmaziun e cultura. Da professiun è el revisur da quints e vicepresident da la citad da Maiavilla.
Christof Kuoni surpiglia il timun da Vera Stiffler da Cuira. Ella ha manà la fracziun da la PLD durant sis onns ed è stada l’emprima dunna en questa funcziun. Ella veglia en futur sa deditgar pli ferm a la lavur en las cumissiuns, scriva la partida en ina communicaziun.