Plurilinguitad - Rumantsch sutrepreschentà en Administraziun federala

Il rumantsch ed il talian èn definitivamain sutrepreschentads en l’Administraziun federala. Il center per democrazia ad Aarau ha prendì sut la marella la plurilinguitad tar la Confederaziun e constatà ch’i dat ina gronda discrepanza tranter teoria e pratica. Radund 60% dals 67 uffizis federals na resguardan betg la represchentanza proporziunala postulada per las minoritads linguisticas. Per la Rumantschia è la situaziun anc mendra: En 82% dals uffizis èn ils Rumantschs proporziunalmain sutrepreschentads.