Siglir tar il cuntegn

Polizia avertescha Telefons da fauss policists

La gievgia han pliras persunas pli veglias a Cuira survegnì telefons da policists che n’eran en vardad gnanc policists. Sco la Polizia chantunala scriva, han ils cugliunaders empruvà uschia da far pajar las persunas plirs millis francs, quai cun la stgisa, ch’in parent haja gì in grev accident.

Emploiads da banca, confamigliars ed enconuschents n'han però betg cret quai ed han pudì impedir che las persunas pertutgadas giajan a retrair ils daners.

Per betg vegnir unfrenda da talas cugliunarias fa la polizia attent da:

  • Esser precaut, sch'in policist vul far pajar daners. La polizia na pretenda mai daners al telefon.
  • Interrumper tals telefons e dumandar suenter sin il numer 117, sch'i dat insumma in policist cun quest num.
  • Mai surdar daners u objects da valur a persunas ch'ins n'enconuscha betg.

RTR novitads 17:00

Artitgels legids il pli savens