La notg sin mesemna ha la Polizia chantunala arrestà in um a Tusaun. Sco la polizia scriva, haja el gì cun el rauba engulada or dad autos a Domat e Cazas. Ils autos sajan stads averts.
Il mardi saira ha la Polizia chantunala dal Grischun survegnì annunzias da dus enguladitschs or dad autos a Domat. Ina patruglia ha lura fermà mesemna a las 03:30 in culpant supponì a Tusaun. Damai ch’el haveva la rauba engulada cun el ha l’um da 20 onns confessà l’enguladitsch. Igl è lura anc sa mussà che dus enguladitschs a Cazas n’eran anc betg vegnids remartgads dals possessurs. La procura publica examinescha sche l’um da la Libia è anc culpants per ulteriurs delicts.
Or da l'archiv:
