Siglir tar il cuntegn

Header

Navigaziun

Auto da polizia dal Grischun.
Legenda: La Polizia chantunala ha sclerì delicts ch'èn capitads durant il tschaiver a Domat. Keystone
cuntegn

Grischun Polizia ha sclerì plirs delicts a Domat

La polizia chantunala ha pudì sclerir plirs delicts penals ch'eran capitads durant il tschaiver a Domat. Tar ils delinquents sa tracti da quatter umens giuvens e da sis giuvenils. Sis dad els èn vegnids arrestads ad interim. Ils diesch accusads – trais Tircs, dus Svizzers, in Serb, in Slovac, in Portugais, in Macedon ed in Iracais – vegnan suspectads d'esser stads da la partida en differentas cumposiziuns a sis delicts d'enguladitsch.

Durant il tschaiver il favrer eran plirs giuvenils vegnids sfurzads cun smanatschas da violenza da surdar daners u objects da valur. Trais da las set persunas donnegiadas eran vegnidas attatgadas ed ina da quellas aveva stuì vegnir tractà medicinalmain.

In dals giuvens delinquents ed in donnegià ston plinavant sa responsar avant la giustia pervia d'avair violà la lescha da meds narcotics.

RR novitads 14:00