Al Lago di Poschiavo ha la polizia chantunala chattà in kilo mariuana. D'ina controlla venderdi saira ha in giuven da 20 onns concedì d'avair cultivà quel per l'agen diever e per la vendita. La mariuana ch'ha ina valur d'enturn 10'000 francs è vegnida confiscada; medemamain dus telefonins. Il delinquent vegn denunzià a la procura publica grischuna pervi d'avair cuntrafatg a la lescha davart meds narcotics. Quai ha communitgà la polizia chantunala.
La polizia chantunala è vegnida sustegnida durant la controlla da trais collavuraturas e collavuraturs da l'Uffizi federal da la duana e la segirezza dals cunfins. I vegn a dar in'accusaziun pervia da cuntravenziuns cunter la lescha davart ils meds narcotics a la procura publica dal Grischun.