Siglir tar il cuntegn

Header

Entrada da la Dretgira dal chantun Grischun
Legenda: Temps turbulents tar la Dretgira dal chantun Grischun. Keystone
cuntegn

PPS e PBD Betg reeleger tut ils derschaders è in’opziun

L’entira Dretgira chantunala dal Grischun ristga da betg vegnir reelegida. Quai ha il schef da la PBD grischuna Gian Michael ditg envers la «NZZ am Sonntag».

La raschun èn las cuntraversas permanentas a la Dregira chantunala. Perquai ponderescha la politica da cumenzar cumplettamain da nov.

Era per la PPS èsi in’opziun da betg reeleger ils derschaders da la Dretgira chantunala. Els sajan averts per tut las variantas, uschia il schef da la fracziun da la Partida populara, Jan Koch. Per la PCD n’èsi betg necessari da remplazzar l’entira Dretgira.

La PLD da sia vart n’ha anc betg decis, sch’i duai dar ina nova entschatta. E la PS vul tadlar tut ils derschaders che candideschan puspè e sclerir ils puncts problematics. L’entir gremi fetschia ina fitg nauscha impressiun, di il schef da la Partida socialdemocratica Conradin Caviezel en la «NZZ am Sonntag».

Las elecziuns dals derschaders èn previsas per l’avust. Ma pervi da las turbulenzas n’è in spustament betg sclaus.

Ord l'archiv:

video
Cumissiun da giustia: Brunner ha violà ses uffizi – Schnyder n'è betg pli supportabel
Or da Telesguard dals 02.06.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga