Il president da la Partida populara svizra dal Grischun – Roman Hug – na vul betg daventar nov president da la PPS Svizra. El na vegnia betg a candidar per la successiun da Marco Chiesa – ha confermà il cusseglier naziunal grischun.
Plinavant ha scrit Hug, ch'el presideschia cun grond plaschair la partida chantunala e veglia vinavant represchentar il meglier pussaivel ils interess da la populaziun en il Parlament federal. Il cusseglier dals chantuns tessinais – Marco Chiesa – aveva annunzià gievgia da betg candidar per in'ulteriura perioda d'uffizi sco president da la PPS Svizra.