Siglir tar il cuntegn

Header

video
Prognosas per profis da ballape fa in program che Manuel Tuor ha sviluppà
Or da Telesguard dals 17.03.2022.
laschar ir. Durada: 3 minutas 10 Secundas.
cuntegn

Premi per lavur da matura POGBA – ballape, mate ed informatica

Il gimnasiast Manuel Tuor ha trais passiuns – ballape, informatica e matematica. Ed el ha gì l'idea da crear sco lavur da matura in program che fa prognosas da profis da ballape. La Societad grischuna per la perscrutaziun da la natira ha premià sia lavur, e lavurs da 6 auters maturands e maturandas.

Mia finamira è dad ina giada vegnir al punct ch'jau sun en ina posiziun ch'jau poss cussegliar clubs professiunals.
Autur: Manuel Tuor gimnasiast

In fan da ballape è Manuel Tuor gia da pitschen ensi. El viva cun sia famiglia en Val Sumvitg e visita il gimnasi da la Claustra da Mustér. Sco buob ha el dà activamain ballape cun ils juniors. Dapi il gimnasi è el dentant s'occupà autramain cun quest sport. El s'interessescha numnadamain, co e daco che profis da ballape vegnan cumprads da clubs e co questas tacticas funcziunan.

Uschia è naschida l'idea da crear in program da computer cun il num POGBA. Quest program ha per finamira da crear prognosas per profis. Sin fundament d'ina vasta paletta d'attributs e cun cumparegliar cun auters giugaders da ballape, fa il program lura ina cumparegliaziun ed ina prognosa. Ses program ha la Societad grischuna per la perscrutaziun da la natira premià.

Manuel Tuor è sa decidì da far suenter la matura in studi d'informatica. Ses program, quel vul el en mintga cas sviluppar vinavant en il futur.

RTR Telesguard 17:40

Artitgels legids il pli savens

Scrollar a sanestra Scrollar a dretga