Siglir tar il cuntegn

Header

video
Premi Watt d'Or
Or da Telesguard dals 10.01.2019.
laschar ir. Durada: 4 minutas 11 Secundas.
cuntegn

Grischun Premi Watt d'Or per in project Grischun

Il premi Watt d'Or en la categoria energias regenerablas va quest onn a la firma dhp technology en collavuraziun cun l'IBC Cuira.

Mintga onn surdat l'Uffizi federal d'energia il premi Watt d'Or. Cun il premi vegnan ils megliers projects d'energia d'interpresas e da scolas autas onurads. Il Watt d'Or n'è betg dotà e duai simplamain procurar per dapli popularitad ed attenziun als projects. Il premi vegn surdà en quatter differentas categorias.

  • Tecnologias d'energia: DEPsys SA ed IBB Energie AG cun il project «GridEye»
  • Mobilitad cun effizienza energetica: BLS AG ed universitad Basel cun il project «NINA»
  • Edifizi e spazi: Fundaziun Habitat e ADEV societad d'energia cun il project «Erlenmatt Ost»
  • Energias regenerablas: dhp technology ed IBC Cuera cun il project «HORIZON»

audio
Bunura: Premi Watt d'Or per in tetg faudabel a Cuira
ord Actualitad dals 09.01.2019.
laschar ir. Durada: 3 minutas 21 Secundas.

Watt d'Or per ina firma grischuna

In tetg da solar ch'ins po faudar, quai è il project «HORIZON» da la firma da start-up dhp technology che ha gudagnà in dals premis. Il tetg solar è vegnì installà l'avust per incumbensa da la firma IBC, il furnitur d'energia ed aua da Cuira, sur la serenera ARA a Cuira. La serenera producescha mintg'onn 540'000 uras kilowatt. Quai è circa 20% da l'energia che la serenera ARA dovra. Il tetg solar ha ina surfatscha da 4'150 meters quadrat.

RR actualitad 07:00

Artitgels legids il pli savens