Siglir tar il cuntegn

Presidenta Cussegl grond 2025 La davosa seduta da Silvia Hofmann sco presidenta

Silvia Hofmann ha manà l’on 2025 il Cussegl grond. Per ella il «highlight» politic, suenter èsi finì.

Naginas crisas, naginas catastrofas hai dà en il chantun durant sia incumbensa sco presidenta da Cussegl grond.

Per mai era l’onn presidial in onn da grond plaschair.
Autur: Silvia Hofmann presidenta dal Cussegl grond 2025

Cultura e dunnas

Sco anteriura manadra dal post d’egualisaziun dal chantun Grischun ha ella vuli s'engaschar oravant tut per las dunnas. Durant l’onn presidial ha ella envidà a bleras associaziuns da dunnas dal chantun da vegnir a Cuira.

Las tribunas dal Cussegl grond eran emplenidas cun dunnas quai m’ha fatg grond plaschair.
Autur: Silvia Hofmann presidenta dal Cussegl grond 2025

Far vegnir pli datiers la politica era la finamira e quai è, tenor Hofmann, era gartegià. Durant il 2025 ha ella fatg viadi tras il chantun, enfin duas occurrenzas l’emna ha ella visità, plinavant ha ella scrit radund 70 pleds uffizials. Durant quellas visitas en vischnancas ha ella constatà ina gronda vitalitad.

Tgi è Silvia Hofmann

Avrir la box Serrar la box

Silvia Hofmann è dapli il 2018 deputada dal circul da Cuira e commembra da la partida socialdemocratica. Ella e naschida a Müstair, maridada ed ha dus uffants, viva a Cuira. Silvia Hofmann ha lavurà blers onns sco manadra dal post d’egualisaziun per dunnas ed umens dal chantun Grischun.

Silvia Hofmann e stada la 8avla dunna al timun dal Cussegl grond en il chantun Grischun. Ad ella segua Valérie Favre Accola da Tavau.

Las vischnancas e vals vivan da societads da sport, cultura, musica e bler auter pli, quai fa a la anteriura presidenta dal Cussegl grond fitg grond plaschair.

Il davos di per Silvia Hofmann

Influenzas externas – in punct negativ

Durant la perioda d’uffizi sco presidenta ha ella però era constatà che differentas politicras e politichers han vuli influenzar ella per lur agens interess. Ma quai è stà per ella ina situaziun inacceptabla nua ch’ella ha adina cumbattì encunter.

Quest post è stà in highlight da mai vita, ma ussa sun jau libra.
Autur: Silvia Hofmann presidenta dal Cussegl grond 2025

In avegnir senza politica

Silvia Hofmann ha ditg envers RTR da betg pli vulair s’engaschar politic en avegnir. Ella prevesa oravant tut da sa concentrar sin la perscrutaziun d'in tema istoric, l'emprima fotografa en il Grischun.

RTR actualitad 08:00

Artitgels legids il pli savens