Siglir tar il cuntegn

Header

audio
Pretschs da benzin: Han tancadis pitschens anc adina pretschs pli bass?
Or da Actualitad dals 23.09.2022.
laschar ir. Durada: 3 minutas 57 Secundas.
cuntegn

Pretschs da benzin Tancadis pitschens per part pli bunmartgads che ils gronds

Ils pretschs da benzin han dapi l'entschatta da l'onn surpassà la marca da dus francs il liter. Da tancar tar in tancadi da marca n'è betg exnum in avantatg.

Tar ils tancadis da marca vegnan ils pretschs fixads dal patrun da la marca. Auter è quai tar tancadis independents, sco per exempel tar il tancadi Caduff a Tavanasa. Il pitschen tancadi saja adina in zic pli bunmartgà, di Claudio Caduff. El maina la fatschenta a Tavanasa cun duas partiziuns: lavurs da crana ed in tancadi cun bistro.

Tancadi pitschen po decider sez da furnitur e marscha

Mintga di survegnia el ils pretschs da differents furniturs da benzin e possia decider, nua e cura ch'el cumpria. Latiers tar il pretsch vegnan ils custs da transport, taglia e la marscha. La marscha è la differenza tranter ils custs da cumprar, taxas, custs da transport, e da l'autra vart il pretsch dumandà per in liter benzin u diesel. Perquai po el calcular auter, e metter la marscha pli bass. Perquai ch'els sajan ina fatschenta pitschna, sajan era las structuras davos la fatschenta simplas e ses custs fix sajan bass. Cun quai è alura il pretsch ch'il client paja era pli bass.

Er possia el tscherner tranter differentas qualitads – quai ch'haja era da far cun ils pretschs. Sin cust da la qualitad na spargnass Claudio Caduff dentant mai, sco el di.




Or da l'archiv:

video
Or da l'archiv: Tancadi a Sedrun e pretschs auts
Or da Telesguard dals 25.05.2000.
laschar ir. Durada: 2 minutas 50 Secundas.

RTR actualitad 06:00

Artitgels legids il pli savens

Scrollar a sanestra Scrollar a dretga