Questa fin d’emna duai vegnir enfin 25 grads a Cuira, quai ha ditg Jürg Ackermann da SRF Meteo. Il cunfin da nulla grads duai esser sin 3'400 meters sur mai, quai saja fitg aut per entschatta settember. Las damauns sajan dentant anc frestgas cun temperaturas tranter trais ed otg grads. Las sairas saja da quintar cun vent da maximalmain 30 enfin 50 km/h.
Localmain urizis – mesemna fin 27 grads
Cunzunt sonda poi dar localmain urizis, tenor il meteorolog. Davent da dumengia duai la stad lura propi arrivar e restar almain fin mesemna. Mesemna vegnia probabel era il pli chaud di, cun a Cuira fin 27 grads.
La stad ha para pensà: Pli gugent tard che mai.
Settember – il temp perfetg per ir a viandar
Tenor Jürg Ackermann saja il settember il perfetg temp per ir a viandar ord las suandantas raschuns:
audio
Settember è in bun temp per viandar
ord RTR Audio dals 03.09.2021.
laschar ir. Durada: 21 Secundas.