A lunga vista na possian tals urizis dentant betg mitigiar la setgira, ha l'Uffizi da guaud e privels da la natira ditg sin dumonda da las gasettas da Somedia. Il terren saja il mument uschè sitg, che quel na possia tar daratgadas gnanc prender si tut l'aua. Perquai duvrassi ina perioda da plievgia pli lunga. Autramain saja probabel ch'il privel creschia vinavant, e ch'i vegnia tar in scumond absolut da far fieu.
En bleras regiuns grischunas regia il mument in privel da fieus da guaud considerabel. Il privel è dentant pli grond en il Grischun dal Nord ch’en las valladas talianas. Quest scenari è nunusità, per ordinari èsi gist viceversa en il Grischun.
audio
Per tadlar curt e cumpact
ord RTR Audio dals 13.07.2023.
laschar ir. Durada: 1 minuta 3 Secundas.