Siglir tar il cuntegn

Header

cuntegn

Pro Junior Food Scarnuz gida

La Pro Junior Grischun ed il club da Rotary Cuira/Signuradi cumpartan 500 tastgas cun mangiativas. En indesch lieus en il Grischun pon persunas en difficultads existenzialas profitar da quest agid.

Gidar directamain al lieu, e gidar persunas en difficultads existenzialas. Cun la crisa da corona è la Pro Junior, l'anteriura Pro Juventute grischuna, confruntada cun dapli dumondas da sustegn. In sustegn senza simplamain gidar cun daners, è l'acziun Food Scarnuz.

audio
Food Scarnuz: Agid direct ed al lieu
ord Actualitad dals 25.02.2021.
laschar ir. Durada: 3 minutas 5 Secundas.

Ina tastga cun mangiativas en valur da bunamain 25 francs vegn surdada a persunas en povradad. «Tegnair bass ils obstachels, garantir anonimitad e gidar a tantas persunas sco pussaivel» quai di il mainafatschenta da Pro Junior Grischun Sandro-Simon Caviezel. Ensemen cun il club da Rotary Cuira/Signuradi han ins fatg pront 500 tastgas.

Las proximas emnas vegnan questas tastgas cun mangiativas surdadas mintgamai la gievgia. L'acziun datti en indesch lieus dal Grischun: Andeer, Domat, Claustra, Landquart, Müstair, Samedan, Scuol, Tusaun, Surava, Trun e Vella.

RTR actualitad 06:00

Artitgels legids il pli savens