Siglir tar il cuntegn

Header

audio
Mezdi: Nadal alv è plitost in siemi
Or da Actualitad dals 17.12.2019.
laschar ir. Durada: 01:53 minutas.
cuntegn

Prognosa da l'aura Probabel nagina naiv sur Nadal

Per l'experientscha ultimativa da Nadal na dastga naturalmain la naiv betg mancar. La schanza ch'i dat naiv sin Nadal en il Grischun è pintga.

Tenor la meteorologa Sabine Balmer da SRF Meteo è la probabladad pitschna ch’i vegn a naiver en il Grischun durant ils dis festivs. Tar nus – ed insumma en l’Europa centrala – vegn l’aura en il mument dirigia dad in favugn da l’Africa dal nord che porta temperaturas miaivlas a nus.

La fin d’emna datti ina curta irritaziun

Fin venderdis èsi da quintar cun temperaturas da primavaira. A Cuira poi dar fin 17 grads. La fin d’emna sa mida l’aura per curt temp e po purtar intginas scrottas da naiv fin sur 1000 meter sur mar. Silsuenter cuntinueschan las temperaturas miaivlas. Cun quellas vegn tenor Sabine Balmer la cuverta da naiv sa tegnair fin 1500 meter sur mar.

Gia pli baud han las Alps ed il Grischun gì da s'occupar da la problematica da memia pauca naiv. Uschia er da vesair en il Telesguard da l'entschatta schaner 2002.

Video
Archiv: Telesguard dals 2.01.2002
Or da RTR dals 18.12.2019.
laschar ir

RTR actualitad 11:00