Per duas emnas prendan 18 participantas e participants part a la scolaziun «Progresso». Suenter lavuran els vinavant tar lur patrun da lavur per duvrar quai ch'els ed ellas han emprendì. Per survegnir il certificat lavuran els anc trais emnas fin ch'ils examens han lieu.
Las finamiras
Il spezialist dal fatg, Jean Claude Schmocker, spera da pudair motivar las participantas ed ils participants da restar en la branscha da lgastronomia. Alexander Zheludev lavura gia pli ditg en la gastronomia, sia finamira da la scolaziun è da vegnir pli professiunal.
Jau am da lavurar cun giasts. E sch'jau savess far quai anc pli professiunal ma faschess quai plaschair.
Jau vi cuntanscher mes siemi e daventar schef da cuschina.
Il mainafatschenta da Gastro Grischun Marc Tischhauser explitga ch'il curs «Progresso» sulet n'è betg la soluziun encunter la mancanza da persunal en la gastronomia. Però da far or da persunal d’agid persunal qualifitgà, quai gida d'auzar la qualitad d’ina fatschenta. En cumbinaziun cun auters curs e cun la digitalisaziun pudessan ins cumbatter la mancanza areguard ils proxims onns.