Siglir tar il cuntegn

Header

video
Pippo Pollina concertescha communablamain cun uffants da scola
Or da Telesguard dals 19.02.2019.
laschar ir. Durada: 3 minutas 29 Secundas.
cuntegn

Grischun Promover la bilinguitad cun chant e musica

Quai è tant la finamira da Pippo Pollina, sco era da la scola bilingua Rheinau a Cuira. E perquai lavuran els ensemen.

Il chantadur sicilian Pippo Pollina viva gia onns en la Svizra tudestga – e viva uschia ina vita dal tuttafatg bilingua. La bilinguitad è ina chaussa che stat a cor ad el.

Perquai ha el avant curt – per la segunda giada – lantschà in project biling. Ensemen cun dus musicists tudestgs ha el publitgà ses disc cumpact, che cuntegna chanzuns talianas e tudestgas.

La scola bilingua Rheinau a Cuira metta era ina gronda paisa sin la bilinguitad. Davent da la scolina vegnan ils uffants instruids là mez talian e mez tudestg. Per promover anc pli fitg las duas linguas lavura il chor da la scola per dus concerts ensemen cun Pippo Pollina.

Ils organisaturs dal project tranter chantadur e chor èn persvadids che tals eveniments emoziunals, ch’èn en il medem mument eveniments linguistics – sajan ina fitg impurtanta part da la promoziun da la lingua.

TR Telesguard 17:40

Artitgels legids il pli savens