Il chantun Grischun fa in pass enavant en chaussa promoziun d'uffants pitschens. La regenza grischuna ha deliberà ina strategia en quest connex. Quella prevesa mesiras e purschidas da sustegn per uffants e geniturs, e quai a partir da la naschientscha fin tar il cumenzament da la scola obligatorica. La strategia duai mussar las lingias grassas per las autoritads ed ils posts spezialisads tar il chantun e tar las vischnancas. Vitiers duai ella era servir ad organisaziuns privatas e persunas dal fatg.
Tranter auter vai per cussegliaziuns, canortas d'uffants u er per gruppas da gieu e la promoziun linguistica. Cun questa strategia vul il chantun garantir che tut ils uffants e geniturs en il Grischun hajan las medemas schanzas da partenza en la vita.